خه‌ڵاتی كۆماری ئیسلامی بۆ

ژنانی چالاكی كورد بۆ 8ی ماڕسدا

ڕێکخراوه‌ی ژنانی كوردی پارێزه‌ری مافی مرۆڤ و ئاشتی له‌ لایه‌ن كۆماری ئیسلامی ئێرانه‌وه‌ ڕێی‌ لێَ گیـرا

له‌ ڕێكه‌‌وتی شه‌مـمه‌، هه‌شتی ره‌شه‌مه‌ی ساڵی 1383ی هه‌تاوی، له‌لایه‌ن ‌«‌حفاطت اطلاعات نیروى انتطامى جمهورى اسلامى‌»ه‌وه‌ به‌ بنیاتنه‌رانی « ڕێکخراوه‌ی ژنانی كوردی پارێزه‌ری مافی مرۆڤ و ئاشتی» ڕاگه‌یاندرا كه‌ ڕێكخراوه‌كه‌یان له‌ لایه‌ن كۆماری ئیسلامییه‌وه‌ ڕه‌تكراوه‌ته‌وه‌ و مافـی چالاكییان پیَ نادرێ‌ و به ئه‌نجامی‌‌ هه‌ر جۆره‌ چالاكییه‌ك رووبه‌رِووی گیـروگرفت ده‌بنه‌وه‌.
شایانی باسه‌ ئامانـجه‌كانی ئه‌م ڕێكخراوه‌ هه‌وڵ بۆ مسۆگه‌ر كردنی ئاشتی و دێمۆكراسی و ڕێگری له‌ توندوتیژی دژ به‌ ژنان و كه‌مینه‌ نه‌ته‌وه‌ییه‌كانه‌ و دروشـمی سه‌ره‌كیشی ئه‌مه‌یه‌:

مافـی ژن، مافـی كورد= مافـی مرۆڤ‌

«سه‌رهه‌نگ كیانی» به‌رپرسێكی «حفاطت اطلاعات نیروى انتطامى جمهورى اسلامى» به‌رپرسانی ئه‌م ریَكخراوه‌یه‌ی ئاگادار كرده‌وه‌ كه‌ به‌ هۆی «رد صلاحیت»ی «دوكتۆر رۆئیا تلوعی» و «خانـم نگیـن شیَخولئیسلامی» له‌ لایه‌ن «اطلاعات»ه‌وه‌، ئه‌م ریَكخراوه‌یه‌ ڕه‌تكراوه‌ته‌وه‌.
«ڕێكخراوه‌ی ژنانی كوردی پارێزه‌ری مافـی مرۆڤ‌ و ئاشتی» ڕاده‌وه‌‌ستا له‌سه‌ر ئه‌وه‌ی كه‌ به‌ چالاكی خۆی دریژه‌ ده‌دات و ئاماده‌ی هه‌ر چه‌شنه‌ به‌ره‌ورِوو بوونه‌وه‌یه‌كه‌ و سكاڵاش ده‌با بۆ UN.

ریَكخراوه‌ی ژنانی كوردی پاریَزه‌ری مافی مرۆڤ‌ و ئاشتی
سنه‌- 8ی ڕه‌شه‌مه‌ی 1383ی هه‌تاوی