Konseya Demî ya Iraqê Ala nû ya welêt qebûl kir.
Ala nû ya welêt ji rengên ku Aştî, Ola Îslamê, çemên Firat û Dîcle û
nûfûsa Kurdan temsîl dike pêk tê .
Berdevkê Konseya Demî Hamîd El Kefe îro bi daxuyaniyekê diyar kir ku ewê
di nava vê hefteyê de Ala nû ya Iraqê li hemî avahiyên fermi yên welêt
daliqînin. Şiklê ala nû ya Iraqê jî wisa ye.
Li ser zemîna spî heyveke bi rengê şîn û di nava şerîtên şîn de jî
xeteke zer heye.
Kefe diyar kir ku zemîna spî Aştiyê, heyva şîn ola Îslamê, xetên şîn
çemên Dîcle û Firatê û xeta Zer jî nufûsa Kurdan temsîl dike.
Ala kevn ya Iraqê ku qasî 40 salan hate bikaranîn de, bi rengên xwe yên
Sor, Spî û Reş ve nîjadperestiyê temsîl dikir.
Di vê navberê de rayedarên Awusturalya û Îngîlîstanê jî destnîşan kirin
ku ewê ji bo taqwiyeyê yekîneyên nû bişînin Iraqê.
Li gorî daxuyaniyan Îngîlîstan 2 hezar û Awustralya jî wê 850 leşkerên
din bişînin Iraqê.
