نامه‌ی ژماره‌یه‌ک له‌ چالاکانی سیاسی- فه‌رهه‌نگیی کورد بۆ به‌ڕێوه‌به‌رانی

 فراخوان ملِی برگزارِی رفراندم  

له‌م رۆژانه‌دا ڕاگه‌یه‌ندراوێک به‌سه‌ردێڕی" بانگه‌وازی نه‌ته‌وه‌یی بۆ ڕێ‌خستنی ڕيفراندۆم" له‌ لایه‌ن ژماره‌یه‌ک له‌ ئیسڵاح ته‌ڵه‌بانی ده‌ره‌وه‌ی ده‌سه‌ڵاتی کۆماری ئیسلامیی ئێران بڵاوبووه‌ته‌وه‌ ، که‌ وێڕای هێنانه‌ گۆری ڕا و داخوازه‌کانی خۆیان ، خوازیاری پشتیوانی کردنی له‌لایه‌ن خه‌ڵکه‌وه‌  بوون .

ئه‌م ڕاگه‌یه‌ندراوه‌دا‌ گه‌رچی هێندێک خواستی به‌که‌ڵک و جێ پشتیوانیی باسکراوه‌، به‌ڵام به‌ هێنانه‌ گۆڕی وشه‌گه‌لی "پاراستنی یه‌کێتیی خاکی وڵات"  و به‌ بێ ئه‌وه‌ی ئیشاره‌یه‌ک به‌ وه‌مه‌ترسی‌ خه‌رانی کرابێ ، خۆی له‌ گرفتێکی گرینگی ئێستا وداهاتووی ئێران  بواردووه‌. واتا مه‌سه‌له‌ی نه‌ته‌وه‌یی و مافی نه‌ته‌وه‌کان.  له‌م پێوه‌ندیه‌دا ژماره‌یه‌ک له‌ چالاکانی سیاسی - فه‌رهه‌نگیی کورد ڕاگه‌یه‌ندراوێکیان ده‌رکردووه که‌ ئه‌مه‌ ده‌قه‌که‌یه‌:

بۆ " کومیته‌ی هه‌نگاو بۆ گشت پرسی"

له‌ گه‌ڵ ڕێزماندا.

ئێمه‌ ‌ژماره‌یه‌ک له‌ چالاکانی سیاسی – فه‌رهه‌نگیی کورد. وێڕای ئه‌وه‌ی هه‌نگاوی دروست و به‌جێگه‌تان بۆ "ڕێ‌خستنی گشت پرسێک به‌ چاودێریی کۆڕو کۆمه‌ڵه‌ نێونه‌ته‌وه‌ییه‌کان  بۆ پيک هێنانی مه‌جلسی دامه‌رزێنه‌ر به‌ مه‌بستی داڕشتنی به‌رنووسی یاسایه‌کی بنه‌ڕه‌تیی نوێ ، له‌ له‌ سه‌ر بنه‌مای ڕاگه‌یه‌ندراوی جیهانیی مافه‌کانی مرۆڤ و ڕێککه‌وتنه‌ زیاد لێکراه‌‌کانی ، به‌ ده‌نگی ئازادی کۆمه‌ڵانی خه‌ڵک " به‌ ڕێزه‌وه‌ ده‌نرخێنین؛ هه‌ر له‌وکاته‌شدا  ئاماژه‌ی ڕاسته‌وخۆی ئێوه‌ به‌ " پاراستنی یه‌کێتی خاک" و " نه‌ته‌وه‌ی ئێران" به‌ نکۆڵی کردن له‌ فره‌ نه‌ته‌وه‌یی بوونی ئێران ده‌زانین . که‌ به‌و پێ‌یه‌ نه‌ته‌نیا مافه‌کانی ئه‌م نه‌ته‌وانه‌ له‌به‌رچاو نه‌گیراون‌ ، به‌ڵکه‌ به‌چه‌شنێک حاشا له‌ بوون‌یان کراوه‌‌.

بێگومان ئێوه‌ش له‌گه‌ل ئێمه‌ هاوده‌نگن که‌ ئه‌م  چه‌مکه‌( پاراستنی یه‌کێتیی خاک) له‌ سه‌رده‌می پاشایه‌تییه‌وه‌ هاتووه‌ته‌ نێو ئه‌ده‌بیاتی سیاسیی ئێرانه‌وه‌ و هه‌میشه‌ چه‌کێک بووه‌ له‌ده‌ستی زاڵماندا بۆ سه‌رکوتی یه‌کسانی‌خوازی و زه‌وتکردنی مافه‌ ئینسانییه‌کانی نه‌ته‌وه‌کانی غه‌یری فارس.

له‌م وڵاته‌دا بێجگه‌ که‌ نه‌ته‌وه‌ی فارس ، نه‌ته‌وه‌گه‌لێکی دیکه‌ش له‌ سه‌ر ئاو وخاکی خۆیان ده‌ژین که‌ له‌ سایه‌ی ده‌سه‌ڵاتداره‌‌ سه‌ره‌ڕۆکانه‌وه‌ خاوه‌نی هیچ مافێک نین . و هه‌میشه‌ داخوازه‌کانیان مۆری " جیاوازی خوازی " و "لێک‌ترازێنه‌ری یه‌کێتیی نه‌ته‌وه‌یی" لێ‌دراوه‌ و به‌توندی سه‌رکوت کراوه‌. به‌ڵام به‌ شایه‌تیی مێژوو " نکۆڵی" و "سه‌رکوت"  نه‌ته‌نیا گرفته‌که‌ی چاره‌سه‌ر نه‌کردووه‌ ، به‌ڵکه‌ کێشه‌که‌ی فووڵتر کردووه‌ته‌وه‌. که‌ کوردستان نموونه‌ی دیاری ئه‌م ڕاستییه‌یه‌.

ئێوه‌ و ئێمه‌ ‌باش ده‌زانین که‌ ده‌سه‌ڵاتی ئیدئولوژیکی ئیسلامی ( دێر یا زوو) ده‌ڕوات . بۆیه ‌ته‌نیا ڕێگه‌ی پێشگرتن له‌ هه‌رچه‌شنه‌ شه‌ڕێکی ناوخۆیی و پاکتاوی نه‌ته‌وه‌یی، نه‌ له‌ نکۆڵی کردن، به‌ڵکه‌ له‌ سه‌لماندنی مافی دیاریکردنی چاره‌نووس و به‌رابه‌ریی هه‌موو نه‌ته‌وه‌کانی دانیشتووی ئێراندایه‌. خاڵێکی گرینگ که‌ به‌داخه‌وه‌ ئێوه‌ ره‌چاوتان نه‌کردووه‌.

ئێوه‌ که‌ ڕێگه‌ی تێکۆشانی مه‌ده‌نی وچالاکیی دوور له‌ گرژی‌تان هه‌ڵبژاردووه‌ و ده‌تانه‌وێ به‌ پشت‌ئه‌ستووریی ده‌نگی کۆمه‌ڵانی خه‌ڵک داخوازه‌کانتان بهێننه‌ دی ، بێشک ده‌بێ له‌ سه‌ر ده‌نگی زۆرتر له‌ 50% دانیشتووانی ئێران ، که‌ گه‌لانی سته‌م‌لێکراون‌ ، حیساب بکه‌ن . که‌ ئه‌مه‌ش به‌‌بێ له‌به‌رچاوگرتنی مافه‌ ئینسانی و دێموکراتیکه‌کانیان ( مافی دیاریکردنی چاره‌نووس) ده‌سته‌به‌ر نابێ .

مانه‌وه‌ی " یه‌کێتیی خاکی ئێران " به‌ بێ سه‌لماندنی مافی گشت نه‌ته‌وه‌کان له‌ دیاریکردنی چاره‌نووسیاندا ، ته‌نیا له‌ ڕێگه‌ی سه‌ره‌ڕۆیی و سه‌رکوته‌وه‌ مه‌یسه‌ر ده‌بێ . ڕێگه‌یه‌ک که‌ بێگومان ئێوه‌ دژی ده‌بن.

به‌ له‌به‌ر چاوگرتن و ڕه‌چاوکردنی  ئه‌و خاڵانه ، هیوادارین ئێمه‌ش بتوانین خۆمان له‌ ڕیزی پشتیوانان و ئیمزاکه‌رانی ئه‌م هه‌نگاوه‌ موسبه‌ته‌ی ئێوه‌دا ببینین.

 

ئیمزا:

نه‌نستیتوی  فه‌رهه‌نگیی کورد ، سوئید

دوکتور گوڵموراد مورادی     نووسه‌ر و توێژه‌ر و ئه‌ندامی "کانوونی نووسه‌رانی ئێران له‌ تاراوگه‌" ( ئاڵمان)

دوکتور حوسین خه‌لیقی        چالاکی سیاسی ، نووسه‌ر و توێژه‌ر ( سوئید)

ئیبراهیمی کووشا                خوێندکار (تاران)

سیامه‌ند زه‌ندی                  چالاکی سیاسی ، فه‌رهه‌نگی ( فه‌رانسه‌)

ئاکامی ئه‌حمدی                 چالاکی سیاسی ، فه‌رهه‌نگی   ( کانادا)

شه‌ریفی بێهروز                  چالاکی سیاسی ، فه‌رهه‌نگی ( کانادا)

دوکتور تریفه‌‌ی کوردستانی     چالاکی کۆمه‌ڵایه‌تی(سنه‌)

فه‌ریبا ساله‌ح‌زاده‌               خوێندکار ( کرماشان‌)

سه‌عیدی کاوه‌ ( کوێستانی)    چالاکی سیاسی ، فه‌رهه‌نگی ( سوئێد)

کرمانج                            چالاکی سیاسی ، فه‌رهه‌نگی ( فێنلاند)

ئیبراهیم فه‌رشی                چالاکی سیاسی  ، ده‌رهێنه‌ر(تاتر) وشانۆنووس (ئالمان)

نادری  فه‌تحی                   چالاکی سیاسی   - فه‌رهه‌نگی  (ئالمان)

که‌مالی عیزه‌تی                 چالاکی سیاسی ، فه‌رهه‌نگی ( نروێژ ) 

ره‌حیمی په‌روا ( ئاویه‌ر)       چالاکی سیاسی (ئاڵمان) 

فایه‌ق کۆماسی                  چالاکی سیاسی (سوئێد)

عه‌بدلواحیدی خه‌ندره‌ش       چالاکی سیاسی   - فه‌رهه‌نگ    ( نیوزلاند)

خه‌لیل غه‌زه‌لی                  چالاکی سیاسی ، فه‌رهه‌نگی ( هوله‌ند)

قادر ئه‌لیاسی                   چالاکی سیاسی ، نووسه‌ر و گۆرانی بێژی خۆشه‌ویست ( نروێژ)

سیامه‌ک نه‌جه‌فی              چالاکی سیاسی فه‌رهه‌نگی( کانادا)

جه‌ماڵ عه‌بدوڵازاده            چالاکی سیاسی ( ئامریکا)

جه‌عفه‌ر مه‌سعوودی            چالاکی سیاسی (کانادا)

شه‌هاب گوڵاڵان                 چالاکی سیاسی ، شاعیر ، نووسه‌ر

ره‌حمه‌ت ئیبراهیمی           چالاکی سیاسی

که‌ریم مه‌رسه‌نه‌               ڕۆژنامه‌وان( سوئێد)

گۆڤاری   ڕاوێژ                  کانادا

کوردستان سایت	www.kurdistansite.com		ناوه‌ندی خه‌به‌ر و ڕاپۆرت و بۆچوون
سایتی ڕۆژهه‌ڵات	www.rojhalat.de		سیاسی- فرهنگی
سایتی  ده‌نگی کورد	www.dengekurd.com		پێگه‌ی سیاسی – خه‌به‌ری
سایتی  کاک هیوا	www.kak-hiwa.tk		سایتی (کوردی-فارسی) سیاسی-خه‌به‌ری
سایی کوردستان نیوزلند	www.kurdistanz.com		سایتی خه‌به‌ری
سایتی هه‌ڵوێست	www.helwist.com		سایتی چه‌پی سه‌ربه‌خۆی کورد
سایتی پناهجو	www.panahjoo.com		سایتی سیاسی ،خه‌به‌ری
سایتی مێدیا.نێت	www.mediya.net		سایتی سیاسی ،خه‌به‌ری
سایتی ڕۆژهه‌ڵات.ئورگ	www.rojhilat.org		سایتی سیاسی ،خه‌به‌ری

بۆ پێوه‌ندی و  پشتیوانی ئه‌و  سایتانه‌ی سه‌ره‌وه : 

    hawdengi@yahoo.ca